دو گروپ کے مابین تنازع، متعدد افراد زخمی

مدھیہ پردیش کے شہر اندورمیں دو گروپ کے مابین تنازع میں پتھر بازی کی گئی جس میں دونوں گروپ کے متعدد افراد شدید زخمی ہوگئے۔

اندور کے ملہار گنج تھانہ علاقے کے رہائشی جلال الدین اور ان کے بھتیجے قمرالدین کے بچوں میں کسی بات کو لے کر تنازع ہوگیا اور دیکھتے ہی دیکھتے یہ تنازع اتنا بڑھ گیا کہ دونوں کنبے کے افراد میں مار پیٹ شروع ہوگئی۔

اس دوران دونوں کنبہ نے جم کر پتھر بازی کی جس میں کئی لوگ شدید طور پر زخمی ہوگئے۔

مقامی لوگوں نے واقعہ کی اطلاع پولیس کو دی جس کے بعد پولیس نے کاروائی کرتے ہوئے معاملے پر قابو کیا اور دونوں کی باتیں سننے کے بعد کاروائی شروع کردی۔