ریاست مدھیہ پردیش کے دارالحکومت بھوپال میں بھوپال گیس متاثرین کی بیواؤں نے اپنے ہاتھوں میں خالی دیے لے کر دیوالی سے قبل پینشن دیے جانے کا مطالبہ کیا۔
غور طلب ہے کہ پورے صوبے میں 45 لاکھ سے زیادہ پینشنر ہیں جس میں بیوہ خواتین کے ساتھ معذور افراد بھی شامل ہیں۔
جنہیں ابھی تک سماجی سرکشا پینشن بینکوں کے ذریعے ابھی تک نہیں دی گئی ہے جبکہ 5 اکتوبر کو کابینہ میٹنگ میں فیصلہ کیا گیا تھا کہ ان کے لیے خطیر رقم مختص کی جائے گی۔
تاہم نہ تو حکومت نے انہیں پینشن دیا ہے اور نہ ہی ان کے پنشن میں کسی بھی طرح کا اضافہ کیا ہے جس کی وجہ سے ان لوگوں میں ناراضگی ہے۔
احتجاج میں شامل پینشنر خواتین کا کہنا ہے کی ریاستی حکومت کے ذریعہ پنشن روک دینے کی وجہ سے وہ دیوالی کا تہوار کس طرح منائیں۔چراغ میں تیل کہاں سے لائیں ،اس لیے خالی چراغ لے کر احتجاج کیا جا رہا ہے-
یہ بیوہ خواتین اپنے مطالبات کو لے کر لمبے وقت ریاستی حکومت کے سامنے احتجاج کر رہی ہیں پر حکومت ہے کی اس کے کان پر جو تک نہیں رینگ رہی ہے-
