مدھیہ پردیش میں ایک 65 سالہ شخص کی موت تین روز پہلے ہوئی ہے، یہ شخص ہائی بلڈ پریشر، شوگر اور سانس کی بیماری میں مبتلا تھا۔
انتظامیہ کا کہنا ہے 'متاثرہ افراد کی ٹیسٹ رپورٹ میں سامنے آیا ہے کہ اسے کورونا وائرس تھا۔ یہ متاثرہ شخص ضلع کھرگون کے دھارگاؤں کا رہنا والا تھا'۔
اس کے ساتھ مدھیہ پردیش میں اب کورونا وائرس سے مرنے والوں کی تعداد چھ ہو گئی ہے۔
ضلع کھارگون کے کلیکٹر کا کہنا ہے 'گورنمنٹ ایم جی ایم لیبارٹری سے ٹیسٹ کی رپورٹ آنے کے بعد پتا چلا ہے کہ اس شخص کو کورونا وائرس تھا، اس کی موت اتوار کو اندور کے ایم وائی ہسپتال میں ہوئی ہے'۔
انہوں نے کہا 'مریض کو سانس لینے میں دشواری کے بعد ضلع ہسپتال میں داخل کیا گیا تھا، لیکن صحت کافی خراب تھی جس کے بعد اسے ایم وائی ہسپتال میں ریفر کیا گیا'۔
انہوں نے مزید کہا 'مریض پہلے سے ہی شوگر، کینسر، ہائی بلڈ پریشر اور سانس کی بیماری میں مبتلا تھا، اس کے ساتھ ہی کھارگون ضلع میں کورونا وائرس کا یہ پہلا کیس اور پہلی موت ہوئی ہے'
