ریاست مدھیہ پردیش کے دارالحکومت بھوپال میں کانگریس کارکنان اور بے روزگار نوجوانوں نے شہر کے نیلم پارک میں احتجاج کیا اور مرکزی حکومت سے مطالبہ کیا ہے کہ آج وزیر اعظم کی 70 ویں یوم پیدائش کے موقع پر جس طرح سے پانی کی طرح پیسے بہایا جا رہا ہے۔ جبکہ اسی پیسے سے بے روزگاروں کے لیے روزگار کے انتظام کیے جانے چاہیے تھے۔
بتا دیں کہ مرکزی حکومت نے ہر برس دو کروڑ نوجوانوں کو روزگار دینے کا وعدہ کیا تھا۔ لیکن ان 6 مہینوں میں 12 کروڑ کے قریب نوجوانوں کا روزگار چلا گیا ہے اور وہ بے روزگار ہو چکے ہیں۔
وہیں، بھوپال مرکزی حلقے کے رکن اسمبلی عارف مسعود کا کہنا ہے کہ مرکزی حکومت نے ہر برس دو کروڑ نوجوانوں کو روزگار دینے کی بات کہی تھی، پر حکومت نے چار روز پہلے ایک آرڈر نکالا ہے، جس میں صاف طور سے کہا گیا ہے کہ سنہ 2020 میں کسی بھی طرح کی نوکریاں نہیں دی جائیں گی۔
بے روزگار نوجوانوں کا مطالبہ ہے کہ مرکزی حکومت اور صوبائی حکومت وزیر اعظم نریندر مودی کی یوم پیدائش پر پیسہ خرچ کرنے کے بجائے نئے روزگار دلانے کی کوشش کرے۔
