مدھیہ پردیش کے وزیراعلی شیوراج سنگھ چوہان نے کانگریس پر وعدہ کے مطابق کسانوں کے قرض معاف نہ کرنے کا الزام لگاتے ہوئے آج کہا کہ سابقہ حکومت نے اپنے دیگر وعدے بھی پورے نہیں کئے۔
مسٹر چوہان نے چھترپور ضلع کے ملہرا اسمبلی سیٹ کے تحت آنے والے بکسواہا میں بھارتیہ جنتا پارٹی (بی جے پی) کے امیدوار پردھمن سنگھ لودھی کی حمایت میں انتخابی جلسہ سے خطاب کیا۔ اس موقع پر پارٹی کے امیدوار اور کئی عہدیداران بھی موجود تھے۔
یہ بھی پڑھیے
کنگنا کے خلاف فرقہ وارانہ منافرت پھیلانے پر ایف آئی آر درج
مسٹر چوہان نے کہا 'کانگریس نے ضمنی انتخابات کے لئے آج پھر ’وچن پتر‘ جاری کیا ہے جبکہ پرانے وچن پتر میں کئے وعدوں کو پورا نہیں کیا گیا'۔
انہوں نے کہا 'کانگریس نے اسمبلی انتخابات کے دروان دو لاکھ روپیہ تک کے کسانوں کے قرض دس دنوں میں معاف کرنے کا وعدہ کیا تھا۔ اس کے مطابق 55 ہزار کروڑ روپے کی قرض معافی ہونی تھی لیکن صرف تقریباً چھ ہزار کروڑ روپے کی قرض معافی کی گئی'۔
