ریاست مدھیہ پردیش کے ضلع اجین کے نرور تھانہ علاقے میں واقع دتانا متانا کے قریب مزدوروں سے بھری ایک گاڑی اور ٹریلر میں زبردست تصادم ہوا۔ جس میں چار مزدور ہلاک ہوگئے، جبکہ 8 افراد زخمی ہوگئے۔ تمام زخمیوں کو اجین کے ضلعی ہسپتال میں داخل کرایا گیا، جہاں ان کا علاج جاری ہے۔
یہ حادثہ قریب چار بجے نرور تھانہ علاقے کے دتانا متانا کے علاقے میں ہوا۔ تصادم اتنا زوردار تھا کہ مزدوروں سے بھری گاڑی کے پرخچے اڑ گئے، حادثے میں چار مزدوروں کے موقع پر ہی موت ہو گئی جبکہ آٹھ مزدور زخمی ہوگئے۔
حادثے کی اطلاع ملتے ہی تھانہ نرور موقع پر پہنچی اور ایمبولینس طلب کی اور زخمیوں کو ضلعی ہسپتال میں داخل کرایا، زخمیوں میں سے دو کی حالت تشویشناک بتائی جا رہی ہے۔ تمام مزدور کٹنی کے رہائشی ہیں اور نیمچ میں مزدوری کے لیے نکلے تھے، تبھی وہ اس حادثے کا شکار ہوگئے۔ حادثے کے بعد سے ٹرالی کا ڈرائیور اور کنڈکٹر مفرور ہے، جن کی تلاش کی جارہی ہے۔
