بی جے پی کو اب بھی جیت کی توقع

دہلی اسمبلی انتخابات کے رجحانات میں عام آدمی پارٹی یکطرفہ طور پر کامیابی حاصل کررہی ہے، لیکن بی جے پی قائدین اور کارکنوں کو دہلی انتخابات سے توقعات اب بھی نظر آرہے ہیں۔

مدھیہ پردیش کے سابق وزیر اعلی شیو راج سنگھ چوہان نے دہلی الیکشن کے پیش نظر ایک بیان جاری کرتے ہوئے کہا کہ اب تک کے رجحانات میں کئی ایسی سیٹیں موجود ہیں، جن پر عآپ اور بی جے پی کے امیدواروں کے بیچ 100،200 کے درمیان ووٹوں کا فرق ہے۔

شیو راج سنگھ نے یہ بھی کہا کہ پچھلی بار کے مقابلے میں ہمارے ووٹوں کی شرح میں 10 فیصد کا اضافہ ہوا ہے، اور اگر ہم نشستوں کی بات کریں تو وہ بھی پچھلی بار کے مقابلے میں کئی گنا بڑھ گئے ہیں۔