ریاست مدھیہ پردیش کے دارالحکومت بھوپال میں لمبے عرصے سے مدھیہ پردیش جمعیۃ علماءہند اردو زبان کے فروغ اور اس کی بقا کے لیے لگاتار کام کرتی آ رہی ہے جس کے تحت سرکاری اسکولوں میں اردو اساتذہ کی تقرری سے لے کر زندگی کے ہر شعبے میں اردو زبان کے فروغ کے لیے مطالبہ کیا جا رہا ہے۔
جمعیت علماء ہند کا کہنا ہے کہ حال ہی میں بھوپال کے ریلوے اسٹیشن کی نئی عمارت کی تعمیر کی گئی ہے اور اس کا افتتاح بھی کر دیا گیا ہے لیکن اس عمارت پر بھوپال اسٹیشن کا جو بورڈ لگایا گیا ہے اس سے اردو زبان کو ہٹا دیا گیا ہے جبکہ سرکاری عمارتوں جس میں ہسپتالوں ایئر پورٹ اور ریلوے اسٹیشن میں اردو کے بورڈ کا استعمال ہوتا آ رہا تھا۔
مدھیہ پردیش جمعیت علماۓ ہند کا مطالبہ ہے کہ حکومت اردو کو فراموش نہ کرے بلکہ اسے عام کرے اور جلد سے جلد بھوپال ریلوے اسٹیشن پر بھی اردو زبان میں تحریر کردہ بورڈ نصب کیا جائے۔
