بھوپال: ریاست مدھیہ پردیش کے دارالحکومت بھوپال میں ہوئے گیس حادثے میں لاکھوں جانیں چلی گئی تھی۔ اس حادثے میں جن خواتین نے اپنے شوہر کو کھویا تھا انہیں حکومت کی جانب سے پینشن دی جاتی ہے۔ جس سے ان خواتین کو زندگی گزر بسر کرنے میں مدد ملتی ہے، لیکن ان کی پینشن 2019 سے حکومت نے بند کر دی تھی جس کے بعد ان خواتین نے لگاتار حکومت کے سامنے اپنے مطالبات رکھے اور احتجاج کیا تب جا کر حکومت نے ان کی پینشن بحال کی تھی، لیکن پچھلے چار مہینے سے ان خواتین کی پینشن بند کر دی گئی جس سے ان کی پریشانیوں میں اضافہ ہوگیا ہے۔ جس کو لے کر ان خواتین نے بھوپال میونسپل کارپوریشن پر احتجاج کیا۔Bhopal Gas Tragedy Widows Wait For Pension
ان کا کہنا ہے کہ حکومت کی جانب سے تو پینشن کا پیسہ دیا جا رہا ہے پر منسیپل کارپوریشن کی بے حسی کے چلتے بے سہارا خواتین کے اکاؤنٹ میں پینشن نہیں ڈالی جا رہی ہے۔ وہیں ان خواتین کو میونسپل کارپوریشن کی جانب سے اور بھی کئی پریشانیاں درپیش آرہی ہے۔
واضح رہے کہ وزیر اعلی شیوراج سنگھ چوہان نے 30 اگست 2021 کو ان خواتین کی پینشن دوبارہ شروع کی تھی اور انہیں پینشن ملنے لگی تھی، مگر پھر ان خواتین کی پینشن کو پچھلے چار مہینے سے بند کرکے ان کی پریشانیوں میں اضافہ کر دیا گیا ہے۔
