ریاست مدھیہ پردیش کے ضلع راج گڑھ کے پاچور تھانہ علاقے کے تحت آنے والے اڑن کھیڑی کے قریب اندور کی طرف جاتے ہوئے قومی شاہراہ نمبر تین پر ٹویرا نے ایک کنٹینر کو پیچھے سے ٹکر مار دی۔
راج گڑھ میں بھیانک سڑک حادثہ
اس واقعے میں موقع پر ہی چار افراد ہلاک ہوگئے جبکہ چھ افراد شدید طور پر زخمی ہوگئے، تاہم ٹکر مارنے والی ٹویرا کے پرخچھے اڑ گئے۔
بتایا جارہا ہے کہ صبح کے وقت نیشنل ہائی وے آگرہ ممبئی پر تیز رفتار ٹیورا کار نے کنٹینر کو پیچھے سے ٹکر ماری اور اس میں ناسک جانے والی چار افراد نے موقع پر ہی دم توڑ دیا ۔
وہیں زخمیوں کو سارنگ پور کے سول ہسپتال میں داخل کرادیا گیا جہاں ان کا علاج جاری ہے تاہم زخمیوں کی حالت بھی سنگین بتائی جارہی ہے۔
