بھوپال: ریاست مدھیہ پردیش کے دارالحکومت بھوپال کی تنظیم بزم افسانچہ بھوپال Organization Bazm Afsancha Bhopal کے زیر اہتمام ہندی اور اردو دونوں زبانوں پر مشتمل افسانوی ادب پر مرکوز پروگرام اقبال لائبریری میں منعقد کیا گیا۔
اس منفرد پروگرام میں ہندی اور اردو کے افسانچہ نگاروں نے شرکت کی۔ ہندی زبان کے حلقے سے کانتا رائے، گوگل سونی، گھنشیام میتھل امرت اور چرن جیت سنگھ نے خوبصورت لگھو کتھا سنائیں۔
اردو کے حلقے سے ضیاء فاروقی، اقبال مسعود، انعام اللہ لودھی، ڈاکٹر اعظم اور تسنیم راجہ نے اپنے افسانچے سنائے۔
افسانچہ Small Stories پر مبنی یہ پروگرام بے حد کامیاب رہا اور ہندی اور اردو زبان سے لوگ لطف اندوز ہوئے۔ معزز مہمانوں نے صنف پر عالمی گفتگو بھی کی اور اسے انوکھا پروگرام کہا کہ جہاں دونوں زبانوں کے نمائندہ افسانچہ نگاروں نے شرکت کی اور اس طرح کے جلسے کو منعقد کرتے رہنے کی بات کہی۔
کانتا رائے نے لگھو کتھا پر مشتمل اخبار میں آدھا صفحہ افسانچوں کو وقف کرنے کا اعلان کیا۔ نصرت مہدی نے اس صنف کی کتاب پر بھی اردو اکیڈمی کے ذریعے قومی اور صوبائی سطح پر انعام دینے کی بات کہی۔
یہ بھی پڑھیں: اردو کی صنف 'افسانچہ' کو بچانے کے لیے 'بزم افسانچہ بھوپال' کا قیام
غور طلب ہے کہ باب یعنی بزم افسانچہ بھوپال کی تشکیل 4 دسمبر 2021 کو ہوئی جس کا عین مقصد افسانچوں کو فروغ دینا ہے۔
بزم افسانچہ کے زیر اہتمام شہر غزل بھوپال میں یہ پہلا عوامی پروگرام تھا جس کی کامیابی سے یہ ثابت ہوتا ہے کہ لوگ اس صنف میں دلچسپی رکھتے ہیں۔
