مدھیہ پردیش میں مسلسل ہورہی بارش نے عام زندگی کو بری طرح متاثر کیا ہے۔ کئی علاقوں میں سیلاب جیسی صورتحال پیدا ہونے سے فصلوں کو شدید نقصان پہنچا ہے۔ ندیوں کے آبی سطح میں اضافے کی وجہ سے انتظامیہ نے کئی گاؤں خالی کرالئے ہیں۔ 16 districts affected by floods in Madhya Pradesh
محکمہ موسمیات نے چار اضلاع میں پھر سے شدید بارش اور 9 اضلاع میں آسمانی بجلی گرنے اور چمکنے کا الرٹ جاری کیا ہے جس میں اجین، اندور، نرمدا پورم، بھوپال، گوالیار، چمبل، جبلپور ساگر، ریوا، اور شہڈول جیسے مقامات شامل ہیں۔ اس سب کو دیکھتے ہوئے وزیراعلی شیوراج سنگھ چوہان نے اپنے اعلیٰ افسران اور وزراء کو سیلاب سے متاثرہ علاقے کا دورہ کرنے کو کہا ہے۔
ریاست میں بھاری بارش سے پیدا ہوئے سیلابی صورتحال کے پیش نظر وزیر داخلہ نروتم مشرا نے نامہ نگاروں سے بات کرتے ہوئے کہا کہ ریاست میں شدید بارش کی وجہ سے 16 اضلاع کے اہم راستے مکمل طور سے بند کر دیئے گئے ہیں۔ ضلع ویدیشہ کے چار تحصیل کے 100 گاؤں بارش سے پوری طور پر متاثر ہیں۔ اس کے علاوہ بھوپال کے کئی علاقوں میں ریسکیو آپریشن چلایا جارہا ہے۔
مزید پڑھیں:
وزیر داخلہ نے بتایا کہ 5 ریسکیو ٹیم اور ڈاکٹر کے علاوہ تین ہیلی کاپٹر کو ریسکیو کے لئے تیار رکھا گیا ہے، ایس ڈی آر ایف، این ڈی آر ایف کی ٹیمیں سبھی متاثر علاقوں میں قیام کررہے ہیں۔ بارش کی سبب دارالحکومت بھوپال میں 385 فیڈر خراب ہوگئے تھے۔ ان میں سے ابھی بھی 30 فیڈر بند ہیں جو جلد ٹھیک کیے جائیں گے۔ اس طرح سے ریاستی حکومت ریاست میں ہورہی توفانی بارش کے لئے لگ بھگ تیار ہے۔
