مرکز کے زیر انتظام لداخ میں ڈائریکٹوریٹ آف ہیلتھ سروسز کی جانب سے مشتہر کیے گئے میڈیا بلیٹن کے مطابق مرکز کے زیرانتظام لداخ میں کورونا وائرس کے چار مزید رپوٹ مثبت پائے گئے ہیں۔
محکمہ صحت لیہہ کو گزشتہ روز کووڈ19 لیبارٹری چھوشوت یوقمہ سے 32 نمونوں کی رپوٹ موصول ہوئی، ان میں سے 29 نمونے ضلع لیہہ اور 03 نمونے ضلع کرگل کے ہیں۔
ان نمونوں میں ایک مثبت رپورٹ ضلع لیہہ اور تین دیگر مثبت رپورٹس ضلع کرگل کے ہیں۔
بلیٹن میں مزید بتایا گیا ہے کہ لداخ میں کورونا وائرس کے تمام 45 مثبت کیسز کی حالت مستحکم ہے۔ ضلع لیہہ میں09 مثبت کیس اور ضلع کرگل میں 36 معاملات ایکٹیو ہیں۔
واضح رہے کہ لداخ میں کورونا وائرس کے کُل94 کیسز سامنے آئے ہیں جن میں سے 48 صحت یاب ہو چکے ہیں اور 45 دیگر زیر علاج ہیں، جبکہ ایک کورونا وائرس سے متاثرہ مریض کی موت واقع ہو چکی ہے۔
