شمالی کشمیر کے ضلع کپواڑہ کے علاقے لولاب میں اتوار کے روز ایک 15 سالہ لڑکے دانش احمد گنائی ولد محمد یوسف گنائی ساکنہ لالپورہ کی لاش اس کے گھر سے متصل جنگل میں درخت سے لٹکی ہوئی پائی گئی۔
مذکورہ لڑکے کے لواحقین کا کہنا ہے کہ وہ دوپہر کو گھر سے نکلا اور اس کے بعد اس کے ساتھ فون پر رابطے کرنے کی کوشش کی گئی لیکن ان سے فون پر بھی کوئی رابطہ نہیں ہوسکا۔ اتوار یعنی دوسرے روز صبح اس کی لاش درخت سے لٹکی ہوئی ملی۔
بعد ازاں پولیس کی ایک ٹیم موقع پر پہنچ گئی اور لاش کو برآمد کیا۔
پولیس ذرائع نے بتایا کہ اس معاملے میں کیس درج کر لیا گیا ہے اور مزید تحقیقات شروع کر دی گئی ہے۔
