مژھل سیکڑ میں ایل او سی پر فائرنگ، فوجی جوان زخمی

جموں و کشمیر کے ضلع کپواڑہ میں لائن آف کنٹرول پر کراس بارڈر شیلنگ میں بھارتی فوج کا ایک جوان زخمی ہو گیا ہے۔

دفاعی ذرائع نے بتایا کہ ضلع کپواڑہ کے مژھل سیکٹر میں لائن آف کنٹرول پر پاکستانی فوج نے فائرنگ کی جس کے نتیجے میں ایک فوجی جوان زخمی ہو گیا ہے۔

انہوں نے بتایا کہ زخمی فوجی جوان کو علاج و معالجہ کے لیے ہسپتال میں داخل کر ایا گیا ہے جہاں ان کی حالت مستحکم ہے۔

دفاعی ذرائع نے بتایا کہ بھارتی فوج نے بھر پور جوابی کارروائی کی۔

خیال رہے کہ سنہ 2003 میں دونوں ممالک کے درمیان لائن آف کنٹرول پر جنگ بندی کا معاہدہ ہوا تھا۔ اس کے بعد بھی دونوں ممالک ایک دوسرے پر معاہدے کی خلاف ورزیوں کے الزامات عائد کرتے رہے ہیں۔