شمالی کشمیر کے ہندواڑہ قصبے کے کنیل تارتھ پورہ میں آگ کی ہولناک وردات میں دومنزلہ مکان خاکستر ہو گیا۔
آگ کی اس بھیانک واردات میں لاکھوں روپے کی املاک چند منٹوں میں جل کر خاکستر ہو گئی۔
عینی شاہدین نے بتایا کہ غلام محمد خان نامی ایک شخص کے دو منزلہ مکان سے اچانک آگ نمودار ہوئی اور دیکھتے ہی دیکھتے آگ نے پورے مکان کو اپنے لپیٹ میں لے لیا۔ آگ اس قدر بھیانک تھی کہ چند منٹوں میں پورا مکان خاکستر ہو گیا اور مکان میں موجود گھریلو ساز و سامان راکھ کے ڈھیر میں تبدیل ہوگیا۔
مقامی لوگوں نے محکمہ فائر اینڈ ایمرجنسی پر الزام عائد کیا ہے کہ محکمہ کہ اہلکار وقت پر نہ پہنچے جس کی وجہ سے آگ نے پورے مکان کو راکھ کے ڈھیر میں تبدیل کردیا۔
لوگوں فائر اینڈ ایمرجنسی پر لگائے گے الزام کے حوالے سے جب نمائندے نے محکمہ فائر اینڈ ایمرجنسی کے کنٹرول روم سے رابطہ کیا لیکن ان سے رابطہ ممکن نہ ہوسکا۔
ادھر ایک اہلکار نے بتایا انہیں انفامیشن تاخیر سے ملنے کی وجہ سے انہیں وہاں پہنچنے میں وقت لگا۔ آخری اطلاعات ملنے تک آگ لگنے کی وجوہات معلوم نہ ہوسکی۔
