Bear Caught in Kupwara: کپواڑہ میں دوسرے روز بھی ریچھ پکڑا گیا

جموں و کشمیر کے ضلع کپواڑہ کے زچلڈارہ میں محکمہ وائلڈ لائف نے مقامی لوگوں کی مدد سے دوسرے روز بھی ریچھ کو زندہ پکڑا ہے۔ ریچھ کے پکڑے جانے سے علاقے کے لوگوں نے راحت کی سانس لی ہے Bear Caught in Kupwara۔

کپواڑہ: محکمہ والڈ لائف نے زچلڈارہ میں آج دوسرے دن دوسرے ریچھ کو زندہ پکڑ لیا۔ زچلڈارہ راجوار میں ریچھوں کی موجودگی سے لوگوں کو گھروں سے باہر نکلنا، کھیتوں میں جانا محال ہو گیا ہے۔ تفصیلات کے مطابق محکمہ وائلڈ لائف نے شمالی کشمیر کپواڑہ ضلع کے ہندواڑہ قصبے کے زچلڈارہ میں دو دن میں دو ریچھ کو زندہ پکڑا گیا۔ کالا ریچھ جب کہ دوسرا زرد رنگ کا ریچھ پکڑ لیا گیا ہے۔ Bear Caught in Kupwara

لوگوں کا کہنا ہے گزشتہ کچھ دنوں سے ریچھ علاقے میں گھوم رہا تھا جس سے لوگوں میں خوف و دہشت تھی اور آج اس وقت لوگوں نے راحت کی سانس لی جب دونوں ریچھ گرفت میں آگئے۔ دریں اثنا زچلڈارہ کے بلاک آفیسر محمد صادق ڈار کی نگرانی میں وائلڈ لائف محکمے کی ایک ٹیم علاقے میں پہنچی اور وہاں ایک پنجرہ لگایا اور اتوار کو ریچھ کو پکڑ نے میں کامیاب ہو گئے۔

مقامی لوگوں نے محکمہ وائلڈ لائف Department of Wildlife Jammu and Kashmir کے حکام کا ان کی کوششوں پر شکریہ ادا کیا اور کہا کہ اب وہ بغیر کسی ڈر و خوف کے باغات میں جا سکیں گے۔ واضح رہے کہ باڑی پورہ۔ کپواڑہ اور سوپور کے لیے محض صرف ایک گاڑی محکمہ کی طرف سے دستیاب ہے۔