لیفٹیننٹ جنرل رنبیر سنگھ کا کپواڑہ اور بارہمولہ کا دورہ

شمالی کمان کے فوجی کمانڈر لیفٹیننٹ جنرل رنبیر سنگھ نے آج ضلع کپواڑہ اور بارہمولہ کا دورہ کیا اور لوگوں سے بات چیت کی۔

خبر رساں ایجنسی اے این آئی کے مطابق جنرل رنبیر سنگھ ضلع کپواڑہ کے ولگام گاؤں اور بارہمولہ کے رامپور اور بونیار گاؤں کا دورہ کیا اور وہاں کے مقامی لوگوں سے بات چیت کی۔
انہوں نے ملاقات کے دوران عوام اور سکیورٹی فورسز کے درمیان تال میل کو فروغ دینے کے لیے سکیورٹی کے متعلق جانکاری دی۔
جنرل رنبیر سنگھ نے لوگوں کو کشمیر کی موجود صورتحال سے آگاہ کر کے ان کی سلامتی کے لیے سکیورٹی اقدامات کے متعلق جانکاری دی۔
واضح رہے کہ 5 اگست کو مرکزی حکومت نے دفعہ 370 کو منسوخ کر کے جموں و کشمیر کو دو یونین ٹیرتری یعنی جموں و کشمیر اور لداخ میں منقسم کیا۔ دفعہ 370 کے خاتمے سے چند گھنٹے قبل ہی جموں و کشمیر میں انٹرنیٹ، براڈ بینڈ اور تمام مواصلاتی رابطے بند کر دیے گئے تھے۔

گرچہ جموں خطے میں 2 جی سروس اور مواصلاتی رابطے بحال کیے گئے۔ تاہم وادی کشمیر کے چند ہی علاقوں میں صرف لینڈ لائنز شروع کی گئی جبکہ انٹر نیٹ اور موبائل سروس بدستور بند ہیں۔ انتظامیہ نے وادی کے تمام ضلعی مجسٹریٹ دفاتر میں ہیلپ لائن نمبر قائم کیے گئے تاکہ کشمیری والدین جن کے بچے ملک کی مختلف ریاستوں میں مقیم ہیں، ان کے ساتھ بات کر سکیں۔