چوگل ہندواڑہ : کمسن نالہ میں ڈوب کر ہلاک

شمالی کشمیر کے ضلع کپواڑہ کے چوگل ہندواڑہ میں اس وقت کہرام مچ گیا جب پیر کی شام ندی میں ڈوبنے کے سبب ایک نابالغ لڑکے کی موت واقع ہوگئی۔

اطلاعات کے مطابق ہندواڑہ کے چوگل علاقے میں اپنے دوستوں کے ساتھ نہاتے ہوئے ایک نابالغ بچہ ندی میں ڈوب گیا، تاہم وہاں آس پاس موجود مقامی افراد نے موقع پر پہنچ کر اسے بچانے کی ہر ممکن کوشش کی لیکن وہ اسے بچا نہیں سکے۔

مذکورہ بچے کو فوری طور پر نزدیکی اسپتال لے جایا گیا جہاں ڈاکٹروں نے اسے مردہ قرار دے دیا۔

متوفی کی شناخت عمر فاروق ولد فاروق احمد شاہ ساکن چاگل ہندواڑہ کے طور ہوئی ہے۔

اس واقعے کی تصدیق ڈپٹی سپرنٹینڈینٹ ہندواڑہ اعجاز احمد بٹ نے بھی کی ہے۔