اطلاعات کے مطابق ضلع کپوارہ میں مویشیوں میں پھیلی بیماری سے دو سو کے قریب مویشی ہلاک ہوگئے جس کی وجہ سے لوگوں میں تشویش دیکھی جا رہی ہے۔ ای ٹی وی بھارت کے ساتھ بات چیت کرتے ہوئے کچھ لوگوں نے بتایا کہ کپوارہ میں گذشتہ کچھ دنوں سے پالتو جانوروں میں پھیلی بیماری کی وجہ سے اب تک دو سو کے قریب جانور ہلاک ہوگئے جبکہ متعدد جانور اس مہلک بیماری کا شکار ہے۔
انہوں نے محکمہ انیمل ہسبنڈری کپوارہ کے افسران سے اپیل کی کہ وہ ان علاقوں میں ڈاکٹروں کی ٹیموں کو روانہ کرکے جانوروں میں تیزی سے پھیلی رہی مہلک بیماری کی روک تھام کے لیے اقدامات اٹھائے جائیں۔'
اس سلسلے میں نمائندہ نے جب چیف انیمل ہسبنڈری سے بات کی تو انہوں نے کہا کہ' ہماری تحقیق سے معلوم ہوا ہے یہ بیماری ان جانوروں کو لگی ہے جنہیں وقت وقت پر وکسین نہ دینے اور ڈوز نہ دینے کی وجہ سے پھیلی ہے۔ مزید پریشان ہونے کی ضرورت نہیں ہے، جہاں بھی مویشوں میں کسی بھی قسم کی بیماری کی علامت نظر آئے وہ ہم سے رابطہ قائم کرے۔ ہم نے اس معاملے کی نسبت ڈاکٹروں کی ٹیموں کو ہدایت دی ہے کہ وہ ان علاقوں میں جاکر جانوروں میں لگی بیماری پر روک لگا سکے اور بیمار جانوروں کے لیے مفت علاج کیا جائےگا تاکہ اس بیماری پر قابو پایا جاسکے۔
