کپواڑہ: ہندوارہ کے ایک گاؤں یملر بالا کے مقامی لوگوں نے ہندوارہ چوک میں برہمی کا اظہار کرتے ہوئے انتظامیہ پر متعدد الزامات عائد کیا۔
اس دوران انہوں نے انتظامیہ پر بے حسی کا الزام عائد کرتے ہوئے کہاکہ' انتظامیہ کی بے حسی کی وجہ سے یملر بالا میں بنیادی سہولیات کافقدان ہے۔
انہوں نے کہا کہ' گاؤں میں رابطہ سڑک کی حالت خسستہ ہے جس پر چلنا تشوار کن ہے، اسی وجہ سے اس تیز رفتار دور میں بھی گاؤں کے مریضوں کو چارپائیوں کے ذریعے ہسپتال تک لے جانا پڑتا ہے۔ سڑک کی خستہ حالی کی وجہ سے ٹریفک نظام بری طرح متاثر ہے لوگوں کو شدید مشکلات کا سامنا کرناپڑ رہا ہے۔
انہوں نے مزید کہا کہ گاؤں گاؤں میں بیک ٹو ولیج اول۔ دوم ۔سوم سے کوفائدہ انہیں ملا۔ گاؤں میں نہ سڑک کی حالت صحیح ہے اور نہ ہی موبائل نیٹ ورک ہے۔
بجلی پانی کی عدم دستہابی کی وجہ سے لوگوں کو سخت پریشانیوں کا سامنا ہے۔
انہوں نے کہا کہ 'اگر چہ اس بار ڈی ڈی سی انتخابات عمل میں لائےگئے اور 'ہم نے ترقی و فلاح کے لیے ووٹ بھی کیے۔ ہمیں امید ہے کہ اس بار ہمارے مسائل حل ہونگے اور پریشانیوں کا ازالہ گا۔'
