کپوارہ میں دو بھائیوں سے چھ گرینیڈ برآمد: پولیس کا دعویٰ

گرفتار شدگان کی شناخت 24 سالہ جہانگیر احمد حجام، جو پیشے سے ایک دکاندار ہے اور عبدالحمید حجام، جو پیشے سے ایک ڈرائیور ہے، پسران منگتہ حجام ساکن خیر پورہ ٹنگڈار کے بطور ہوئی ہے۔

جموں وکشمیر پولیس نے شمالی کشمیر کے ضلع کپوارہ میں دو بھائیوں کو گرفتار کرکے ان کی تحویل سے چھ گرینیڈ بر آمد کرنے کا دعویٰ کیا ہے۔

کپوارہ میں دو بھائیوں سے چھ گرینیڈ برآمد: پولیس کا دعویٰ

سرکاری ذرائع نے بتایا کہ ایک مصدقہ اطلاع موصول ہونے پر جموں وکشمیر پولیس کے اسپیشل آپریشنز گروپ (ایس او جی) کی ایک ٹیم نے دو بھائیوں کو روک کر ان کی تلاشی لی۔

انہوں نے بتایا کہ تلاشی کے دوران مذکورہ دو بھائیوں کی تحویل سے چھ گرینیڈ بر آمد کئے گئے۔

گرفتار شدگان کی شناخت 24 سالہ جہانگیر احمد حجام، جو پیشے سے ایک دکاندار ہے، اور عبدالحمید حجام، جو پیشے سے ایک ڈرائیور ہے، پسران منگتہ حجام ساکن خیر پورہ ٹنگڈار کے بطور ہوئی ہے۔

دریں اثنا ایک پولیس افسر نے اس واقعے کی تصدیق کی ہے۔

اس تناظر میں ایف آئی آر نمبر 160/2021 انڈر 3/4 دھماکہ خیز سبسٹنس ایکٹ تھانہ کپواڑہ میں درج کیا گیا ہے۔

اس ضمن میں ایک کیس درج کرکے تحقیقات شروع کی گئی ہیں۔