کپواڑہ بس اسٹینڈ سے گرینیڈ برآمد

ابھی تک واضح نہیں ہو پایا ہے کہ گرینیڈ وہاں پر پہلے سے موجود تھا یا عسکریت پسندوں کی جانب سے اسے داغا گیا تھا۔

شمالی کشمیر کے ضلع کپواڑہ میں بس اسٹینڈ کے قریب سکیورٹی فورسز نے دستی بم برآمد کیا ہے۔ تاہم ابھی تک واضح نہیں ہو پایا ہے کہ یہ گرینیڈ سکیورٹی فورسز پر داغا گیا تھا یا وہاں پر پہلے سے ہی یہ موجود تھا۔

سینیئر سپرنٹنڈنٹ پولیس (ایس ایس پی) کپواڑہ شری رام امبارکر نے بتایا کہ آج صبح بس اسٹینڈ کے قریب دستی بم برآمد ہوا ہے۔

انہوں نے کہا کہ تحقیقات مکمل ہونے کے بعد ہی اس سلسلہ میں پختہ جانکاری فراہم کی جا سکتی ہے۔

انہوں نے بتایا کہ علاقہ کو گھیرے میں لے کر تفتیش شروع کر دی گئی ہے۔