محکمہ جنگلات نے شمالی کشمیر میں بتشوگی بہنی پورہ راجوار ہندوارہ جنگلات کی حدود میں تجاوزات سے 800 کنال جنگلاتی اراضی پر کئے گئے ناجائز قبضے کو ہٹا دیا ہے۔
رینج افسر راجوار غلام نبی نے بتایا کہ محکمہ جنگلات کی حدود راجوار کمپاٹمنٹ نمبر 28 میں جنگل تجاوزات کے خاتمے کی مہم چلائی گئی ہے۔ اس دوران فارسٹ ڈویژن، لنگیٹ کے جنگلات کے اہلکار، بی او کنٹرول روم کے تعاون سے کئی کنال جنگلات کی اراضی سے قبضہ ہٹایا گیا ہے۔
رینج افسر نے بتایا کہ اس کارروائی میں 800 کنال تجاوزات جنگل کی اراضی حاصل کی گئی۔ انہوں نے کہا محکمہ جنگلات نے راجوار علاقے میں غیر قانونی طور پر کئے گئے ناجائز قبضے اور تجاوزات کو ہٹا دیا ہے۔
انہوں نے لوگوں سے اپیل کی ہے کہ وہ غیر قانونی طور سرکاری اراضی کو ہڑپنے سے گریز کریں۔ رینج افسر نے تنبیہ کرتے ہوئے کہا کہ قانون کی خلاف ورزی کرنے والوں کے خلاف سخت کاروائی کی جائے گی۔
