جموں و کشمیر کے لیفٹیننٹ گورنر منوج سنہا کے مشیر بصیر احمد خان نے آج کپواڑہ کا دورہ کیا۔ اس دوران انہوں نے آرگینک زرخیز منڈی (organic Agricultural Mandi) کا افتتاح کیا۔
افتتاح کے دوران ڈپٹی کمشنر امام الدین (کپواڑہ)، ڈی ڈی سی چیئرمین کپوارہ عرفان پنڈت، ایس ایس کپوارہ سندیپ چکروتیاور ایس پی ہندوارہ سندیپ گپتا سمیت متعدد عہدہ داران موجود رہے۔
اس کے علاوہ بصیر احمد خان نے محکمہ ایگرکلچر کی جانب سے لگائے گیے اسٹالز کا بھی معائنہ کیا۔
اس دوران خان نے ڈی سی آفس کپواڑہ میں ایک عوامی دربار کا انعقاد کیا۔ ڈپٹی کمشنر کپواڑہ امام الدین نے خان کو کووڈ سے نمٹے کیلئے اور تعمیراتی پروجیکٹز کے متعلق جانکاری فراہم کیں۔
وہیں عوامی دربار میں ڈی ڈی سی ممبران، بی ڈی سی ممبران، تجارتی انجمن، ٹرانسپورٹ چیئرمین مونسپل کمیٹی کپواڑہ اور ہندواڑہ کے علاوہ علماء دین کی ایک بڑی تعداد موجود تھی۔
