جنوبی کشمیر کے ضلع کولگام کے گاؤں پانی پورہ میں دو روزہ سرچ آپریشن گزشتہ شام میں ختم ہو گیا۔
جموں و کشمیر پولیس نے بتایا کہ علاقے میں عسکریت پسندوں کے چھپے ہونے کی خفیہ اطلاع پر سرچ آپریشن بدھ کی صبح شروع کیا گیا تھا۔
سی آر پی ایف کی 18 بٹالین اور جموں و کشمیر پولیس کے اسپیشل آپریشن گروپ (ایس او جی) کی مشترکہ ٹیم نے علاقے کو محاصرہ میں لے کر گھر گھر تلاشی مہم چلائی۔
جموں و کشمیر پولیس نے بتایا کہ 45 گھنٹے کے سرچ آپریش کے دوران علاقے سے کچھ نہیں ملا اور نہ ہی کسی عسکریت پسند کے چھپے ہونے کی تصدیق ہوئی۔
