آل جموں کشمیر منریگا ایمپلائز ایسوسی ایشن کے بینر تلے کولگام ضلع کے بلاک کنڈ میں منریگا کے تحت تکنیکی معاونین اور دیہاتی روزگار کے معاونین نے حکومت سے مطالبہ کیا ہے کہ وہ ان کے لئے بھرتی پالیسی بنائے اور انہیں مستقل کیا جائے۔
انہوں نے حکومت سے ان کے حق کا مطالبہ کیا اور انہیں مستقل کرنے اور جلد از جلد ان کے لئے بھرتی پالیسی بنانے کا مطالبہ بھی کیا۔
اس دوران بلاک کے پنچ و سرپنچ نمائندوں نے منریگا ملازمین کے کام چھوڑ ہڑتال کی حمایت کی۔ اپنے ایک پریس ریلیز میں ان نمائندوں نے کہا کہ محکمہ دیہی ترقی کی مختلف اسکیموں کو عملی جامہ پہنانے میں ان ملازمین کا کافی اہم رول ہے اور اسکیموں کو گھر گھر پہنچانے کے لئے دن رات کام کرتے ہیں۔
سرپنچوں اور پنچوں نے یو ٹی حکومت سے اپیل کی کہ منریگا کارکنوں کے مستقبل کے حوالے سے پالیسی بنائی جائے۔ ساتھ ہی لوگوں کو محکمہ دیہی ترقی میں مستقل کیا جائے۔
