مرکز کے زیر انتظام خطہ جموں و کشمیر کے ضلع کولگام میں پولیس منشیات فروشوں اور منشیات کے استعمال کے عادی افراد کے خلاف مسلسل متحرک ہے،اسی سلسلے کی ایک کڑی کے تحت کولگام پولیس نے پانچ منشیات فروشوں کو گرفتار کیا ہے۔ گرفتار شدہ افراد کے شناخت گلزار احمد شیخ ولد اسد اللہ شیخ۔ دمحال ہانجی پورہ،طارق احمد لون ولد رمضان لون ٹنگڈنو یاری پورہ،سجاد احمد ولد غلام حسن کوکر گنڈ،یاری پورہ، برکت اللہ میر ولد محمد عبداللہ میر بچرو کولگام اور اعجاز احمد گنائی ولد مرحوم غلام احمد گنائئ گڈیہام کے طورپر کی گئی ہے۔ Kulgam Police detains five notorious Drug Peddlers
ڈویژنل کمشنر کشمیر کی جانب سے جاری کردہ احکامات کے تحت منشیات کی غیر قانونی نقل و حمل کی روک تھام کے لئے وضع کردہ قانون کے تحت انہیں گرفتار کیا گیا ہے، پانچ میں سےتین منشیات فروش؛ گلزار احمد شیخ، طارق احمد لون اور سجاد احمد بگٹ کو ڈسٹرکٹ جیل بدرواہ میں رکھا گیا ہے اور ان میں سے دو؛ برکت اللہ میر اور اعجاز احمد گنائئ کو ڈسٹرکٹ جیل راجوری میں رکھا گیا ہے تاکہ انہیں منشیات سے متعلق سرگرمیوں سے روکا جا سکے۔
یہ بات قابل ذکر ہے کہ NDPS ایکٹ 1988 کے سیکشن 3 کی دفعات کے تحت، منشیات اور سائیکو ٹراپک مادوں کی غیر قانونی اسمگلنگ میں ملوث شخص جو کسی شخص اور معاشرے کی صحت کے لیے سنگین خطرہ بنتا ہے کو حراست میں لیا جا سکتا ہے۔ ایک سال کی زیادہ سے زیادہ مدت اور توسیع کی جا سکتی ہے۔
کولگام پولیس نے اس سال کے دوران متعدد نارکوٹک اور نارکو ٹیرر ماڈیول کا پردہ فاش کیا ہے اور کئی بدنام زمانہ منشیات فروشوں کو مختلف NDPS کیسوں میں گرفتار کیا ہے۔ کولگام پولیس منشیات کی لعنت کے خلاف اپنی جنگ جاری رکھنے کے لیے پرعزم ہے اور اس نے نوجوانوں کو اس مہلک لت سے بچانے کے لیے سماجی برائیوں خصوصاً منشیات کے استعمال کو ختم کرنے کے لیے لوگوں سے تعاون طلب کیا جو قوم کا مستقبل ہے۔
مزید پڑھیں:Two Drug Peddlers Arrested in Sumbal: سنبل میں دو منشیات فروش گرفتار
