ضلع کولگام کے یاری پورہ میں بدھ کی شام کو ایک گورنمنٹ اسکول کی عمارت میں آگ لگ گئی جس نے آنا فاناً پوری عمارت کو اپنی زد میں لے لیا۔
کولگام: گورنمنٹ اسکول کی عمارت میں آتشزدگی
مقامی لوگوں اور فائر اینڈ ایمرجنسی عملہ نے آگ کو مزید پھیلنے سے روک دیا۔ تاہم اس دوران اسکول کی عمارت کو شدید نقصان پہنچا۔
مقامی باشندوں نے ای ٹی وی بھارت کو بتایا کہ اسکولی عمارت گزشتہ کئی برسوں سے خالی پڑی ہے۔ انہوں نے دعویٰ کیا کہ آگ شارٹ سرکٹ کی وجہ سے لگی ہے۔
اس ضمن میں پولیس نے معاملہ درج کر کے مزید کارروائی شروع کر دی ہے۔
