جنوبی کشمیر کے ضلع کولگام میں صدر مقام سے محض نصف کلومیٹر دور آمنو علاقے کی رابطہ سڑک کی حالت انتہائی ناگفتہ بہ ہے۔ سڑک پر جگہ جگہ گہری گڑھے بنے ہوئے ہیں جن کے باعث عوام کو عبور و مرور میں دقتیں پیش آتی ہیں۔
خستہ حال سڑک کے باعث نہ صرف راہگیروں بلکہ ٹرانسپورٹرز کو بھی مشکلات کا سامنا کرنا پڑ رہا ہے۔
مقامی باشندوں کا کہنا ہے کہ آمنو علاقے کے آس پاس کے سبھی علاقوں میں خستہ حال سڑک کی مرمت کی گئی تاہم انکے مطابق صرف انکے علاقے کو نظر انداز کیا جا رہا ہے۔
مزید پڑھیں: کولگام کے عوام کو پانی مہیا کرایا گیا
انہوں نے کہا کہ خستہ حال سڑک پر گہری گڑھے ہونے کے باعث بارشوں اور برفباری کے دوران رابطہ سڑک جھیل کا منظر پیش کرتی ہے، وہیں خشک موسم اٹھنے والا گرد و غبار سے مقامی آبادی سمیت راہگیروں کو بھی شدید مشکلات سے دوچار ہونا پڑ رہا ہے۔
آمنو، کولگام کے باشندوں نے خستہ حال سڑک کی فوری طور مرمت کرنے کا مطالبہ کیا ہے۔
