جنوبی کشمیر کے ضلع کولگام کے لکڑی پورہ نہامہ میں کل سے سکیورٹی فورسز اور عسکریت پسندوں کے درمیان شروع ہوئی جھڑپ آج دوپہر ختم ہوئی ہے۔ اس دوران محاصرے میں سکیوریٹی فورسز اور عسکریت پسندوں کے درمیان تصادم کے دوران ایک عسکریت پسند ہلاک ہوگیا ہے۔
پولیس ذرائع کے مطابق کچھ اسلحہ بھی برآمد کیا گیا ہے۔ یہ اسلحہ اسی طرح کا ہے جیسا کل کٹھوعہ میں پاکستانی ڈرون سے برآمد کیا گیا تھا، جسے بھارتیہ فوج نے مار گرایا تھا۔
محاصرے کے دوران مقامی لوگوں اور سکیوریٹی فورسز کے درمیان جھڑپیں بھی ہوئیں۔ اس دوران علاقے کے سارے راستے بند کردیے گیے ہیں۔ ذرائع کے مطابق علاقے میں کئی عسکریت پسند چھپے ہوئے ہیں۔
ہلاک ہوئے عسکریت پسند کی شناخت ابھی تک نہیں ہو سکی ہے حالانکہ سرکاری ذرائع کے مطابق ہلاک شدہ عسکریت پسند پاکستان کا بتایا جارہا ہے، جس کا تعلق جیش محمد سے ہے۔ ایک دوسرا عسکریت بسند وہاں سے فرار ہونے میں کامیاب ہو گیا ہے۔
فی الحال علاقہ میں حالات کشدہ ہے۔
