تفصیلات کے مطابق محکمہ دیہی ترقی کی جانب سے علاقے اشتھل کے مقام پر پانی کے تیز بہاو کو روکنے کے لیے ایک باندھ تعمیر کرنے کا کام شروع ہوا اس دوران ضلع ترقیاتی کشمنر نے کام کا افتتاح کیا۔
اس موقع پر ضلع ترقیاتی کمشنر شوکت اعجاز بٹ نے بتایا کہ علاقے کے لوگوں کی یہ دیرانہ مانگ تھی کہ اس دیا ویشو پر ایک باندھ بنایا جائے جو کہ آج پوری ہوگئی۔ باندھ پر کام شروع کیا گیا ہے اور جلد ہی مکمل کیا جائے گا۔ انہوں نے کہا کہ اس دریا پر یہ پل بھی بنایا گیا جس کا کام مکمل ہو گیا ہے اور لوگوں کے لیے کھول دیا جائے گا۔
وہیں مقامی لوگوں نے انتظامیہ کی جانب سے کیے گئے اس اقدام پر کافی خوش نظر آئے۔ لوگوں نے ڈی سی کو مالا بھی پہنائے اور ساتھ میں شکریہ بھی ادا کیا۔
ضلع ترقیاتی کمشنر لوگوں کو جن ابھیان اور بیک ٹو ولیج کی افادیت کے بارے میں جانکاری فراہم کی اور لوگوں سے اپیل کی کہ وہ اس مہم میں حصہ لیں اور اپنے مطالبات کو افسران کے سامنے رکھے۔
واضح رہے کہ جموں و کشمیر انتظامیہ نے رواں ماہ کی 4 ستمبر کو اعلان کیا تھا کہ یونین ٹریٹری میں بیک ٹو ولیج کا تیسرا مرحلہ 2 اکتوبر کو شروع ہو کر 12 اکتوبر کو اختتام پذیر ہوگا۔ انتظامیہ نے بیک ٹو ولیج سوم سے قبل دو ہفتے کا جن ابھیان پروگرام شروع کیا ہے۔
