کولگام: مرکز کے زیر انتظام خطہ جموں و کشمیر کے ضلع کولگام میں واقع ڈگری کالج میں کالج انتظامیہ نے محکمہ فائر اینڈ ایمرجنسی کولگام کے تعاون سے کالج کے احاطہ میں آتشزدگی پر قابو پانے کے طریقہ کار سے ایک تقریب کا انعقاد عمل میں آیا، اس کے علاوہ مذکورہ محکمہ کی جانب سے موک ڈرل کا بھی اہتمام کیا گیا۔ اس پروگرام کے انعقاد کا مقصد طلبا و طالبات کو آتشزدگی پر قابو پانے کے تعلق سے مختلف پہلوں کو بتایاگیا۔مذکورہ پروگرام سے خطاب کرتے ہوئے محکمہ کے افسران نے تعلیمی اداروں سمیت دیگر عوامی مقامات پر ایسے پروگرامز کے انعقاد کی اہمیت پر تفصیلی روشنی ڈالی۔
فائر سروس آفیسر، کولگام نے آگ سے تحفظ اور روک تھام سے متعلق مختلف پہلؤں پر روشنی ڈالی۔ انہوں نے کہا کہ بسا اوقات ہماری چھوٹی موٹی لاپرواہی کے سب آتشزدگی کا خطرناک واقعہ رونما ہوتا ہے۔ پروگرام میں طلبا و طالبات کے علاوہ مقامی باشندوں نے بھی شرکت کی۔ افسران نے کہا کہ اپنے بچوں کو ہمیشہ آتش گیر مادوں کی پہنچ سے باہر رکھیں۔ انہوں نے کہا کہ مستقبل میں بھی متعدد تعلیمی اداروں میں ایسے ہی پروگرامز منعقد کیے جائیں گے۔ انہوں نے کولگام ڈگری کالج انتظامیہ کو یہ تیقن دلایا کے آئندہ بھی وہ اس طرح کے پروگرامز کے انعقاد کے لیے وہ تیار رہیں گے۔ اور جب بھی ضرورت پڑی وہ یہاں آکر طلبا و طالبات کو ضرور تربیت دیں گے۔ پروگرام سے خطاب کے بعد مذکورہ محکموں افسران اور عملے نے باضابطہ طورپر آتشزدگی کے واقعات پر قابو پانے کے متعلق مختلف طریقے دکھائے۔
مزید پڑھیں:Fire Service Week آگ سے بچاؤ اور احتیاطی تدابیر سے متعلق بیداری پروگرام کا آغاز
