جنوبی کشمیر کے ضلع کولگام میں پولیس پوسٹ میر بازار میں ایک شخص نے اپنی نابالغ لڑکی کے لاپتہ ہونے کی رپورٹ لکھوائی۔
شکایت کنندہ کے مطابق انکی 14سالہ لڑکی ٹیوشن کے لیے گھر سے روانہ ہوئی جس کے بعد وہ واپس نہیں لوٹی۔ پولیس نے معاملہ کی نسبت سے کیس درج کرکے مغوی لڑکی کو بازیاب کرانے کے لئے ایک خصوصی ٹیم تشکیل دی۔
پولیس ذرائع کے مطابق انہیں اغواکار کے سلسلے میں یہ اطلاع موصول ہوئی کہ وہ لڑکی کے ساتھ وادی سے فرار ہوکر حیدرآباد پہنچ گیا ہے۔ پولیس کی خصوصی ٹیم نے حیدر آباد شہر جاکر لڑکی کو برآمد کرکے اغواکار کو گرفتار کر لیا ہے۔
اغوا کار کی شناخت 45 سالہ گوہر احمد میر ولد محمد یوسف میر ساکنہ لالن اننت ناگ کے طور پر ہوئی ہے۔
لوگوں نے پولیس کی بر وقت کارروائی کی سراہنا کرتے ہوئے ملزم کو سخت سزا دینے کی مانگ کی ہے۔
