کولگام میں 53 فیصد ووٹنگ

جموں و کشمیر میں جاری ڈی ڈی سی انتخابات کا آج دوسرا مرحلہ تھا۔ اس دوران کولگام میں 53 فیصد ووٹنگ درج کی گئی۔ جبکہ کئی مقامات پر ووٹنگ کا سلسلہ جُزوی طور پر بند بھی رہا۔

جنوبی کشمیر کے کولگام میں انتخابات کا دوسرا مرحلہ اختتام پذیر ہوا۔ ضلع میں 53 فیصدی ووٹ ڈالے گئے۔

یہاں دو الگ الگ بلاکز میں انتخابات عمل میں آئے۔ وہیں منزگام بلاک میں انتخاب کے دوران دُکان اور کاروباری ادارے جُزوی طور پر بند رہے۔

علاقے میں انتخاب کو بآسانی پُرامن طریقے سے انجام دینے کے لیے سیکورٹی کے پختہ انتظام کیے گئے تھے۔ ضلع میں آخری اطلاع ملنے تک کسی بھی ناخوشگوار واقعے کی کوئی اطلاع نہں ملی ہے۔