ضلع صدر مقام سے محض چند کلو میٹر کی دور پر واقع بلاک ٹھاکرائی کے انجول علاقے میں بجلی کے ناقص نظام Kishtwar Poor Electrical Supply پر لوگوں نے محکمہ بجلی کو شدید تنقید کا نشانہ بنایا۔
مقامی باشندوں نے محکمہ پی ڈی ڈی پر علاقے کو جان بوجھ کر نظر انداز کیے جانے کا الزام عائد کیا۔ انہوں نے کہا کہ علاقے میں بجلی کے ناقص نظام کو بہتر بنانے کے لیے لوگوں نے کئی بار متعلقہ حکام سمیت ضلع انتظامیہ سے رجوع کیا تاہم اس ضمن میں ٹھوس اقدامات نہیں اٹھائے گئے۔
علاقے میں بجلی ترسیلی لائنیں Transmission Lines اور کھمبے Electric Poles بوسیدہ ہوچکے ہیں جن کے سبب لوگوں کو جان و مال کا خطرہ لاحق رہتا ہے۔
مزید پڑھیں:
انہوں نے دعویٰ کیا کہ وہ ہر مہینے بجلی کا بل جمع کرتے ہیں تاہم اس کے باوجود انہیں بجلی جیسی بنیادی ضرورت سے محروم رکھا جا رہا ہے۔
انجول کے باشندوں نے ضلع انتظامیہ سمیت محکمہ بجلی کے اعلیٰ افسران سے مداخلت کی اپیل کرتے ہوئے علاقے میں بجلی کے بنیادی ڈھانچے کو مستحکم بنائے جانے کا مطالبہ کیا۔
