کشتواڑ: ضلع اسپتال میں مریضوں کو بہتر سہولیات دیے جانے کا مطالبہ

نیشنل کانفرنس کے سینئر لیڈر سجاد احمد کچلو نے ڈسٹرکٹ ہسپتال کشتواڑ کا دورہ کرکے مریضوں کو دی جا رہی سہولیات کا معائنہ کیا۔

جموں و کشمیر کے پہاڑی ضلع کشتواڑ میں این سی لیڈر سجاد کچلو نے ضلع اسپتال کا دورہ کرکے اسپتال میں موجود سہولیات و انتظامات کا معائنہ کرکے مریضوں کو بہتر سہولیات دیے جانے پر زور دیا۔

سجاد کچلو نے ضلع اسپتال کے دورے کے دوران مریضوں اور تیمارداروں سے بات چیت کے علاوہ اسپتال عملہ سے بھی ملاقات کی۔

انہوں نے مریضوں اور تیمارداروں کو بہتر سہولیات فراہم کرنے کے علاوہ اسپتال میں عملہ کی کمی کو دور کیے جانے کی بھی مانگ کی۔