جموں و کشمیر لیفٹینٹ گورنر انتظامیہ کی جانب سے ـ’بیک ٹو ولیج‘ پروگرام منعقد کرنے کے بعد انتظامیہ نے شہری اور میونسپل علاقوں میں ’’میرا قصبہ میری شان‘‘ پروگرام کا آغاز کیا ہے۔
’میرا قصبہ میری شان‘ پروگرام کے تحت جموں و کشمیر کے پہاڑی ضلع کشتواڑ میں ضلع انتظامیہ نے مشوہر چوگان میدان کی صفائی ستھرائی کی۔
اس موقع پر ایڈیشنل ڈپٹی کمشنر کشتواڑ پاون پریہار نے بتایا کہ ’’بیک ٹو ولیج کی کامیابی کے بعد اب شہری آبادی کے لیے My Town My prideنامی پروگرام کے تحت شہری آبادی کے لیے انتظامیہ کی جانب سے مختلف ترقیاتی کام انجام دیے جا رہے ہیں۔
انہوں نے کہا کہ اس پروگرام کے شروعات میں ہی کشتواڑ کے مشہور چوگان میدان کی صفائی کا کام شروع کیا گیا۔
پاون پریہار کے مطابق دو دن تک جاری رہنے والے اس پروگرام میں عوام مختلف محکمہ جات کے اعلیٰ افسران تک اپنی شکایات پہنچا سکتے ہیں۔
