جموں و کشمیر کے ضلع کشتواڑ کے یانی ون تندر علاقے میں جمعہ کی صبح ایک زیر تعمیر پل کا ایک ستون گرنے سے ایک مزدور ہلاک جب کہ تین دیگر زخمی ہوگئے۔
سرکاری ذرائع نے بتایا کہ ضلع کشتواڑ کے یانی ون تندر علاقے میں دریائے مارو سدر پر زیر تعمیر ایک پل کا ایک ستون گر گیا جس کے نتیجے میں ایک مزدور ہلاک جب کہ تین دیگر زخمی ہوگئے۔
مہلوک مزدور کی شناخت 29 سالہ شبیر احمد ولد غلام قادر ساکن دربیل جب کہ زخمیوں کی شناخت زبیر احمد (19) ولد شبیر احمد، عبدالرحمان (32) ولد غلام راتھر اور فاروق احمد (37) ولد غلام محی الدین راتھر ساکنان در بیل چترو کے بطور ہوئی ہے۔
زخمیوں کو ہسپتال منتقل کیا گیا ہے جہاں ان کا علاج جاری ہے۔
یو این آئی
