محکمہ جنگلات کی جانب سے وادی کشمیر سمیت خطہ چناب میں بھی شجر کاری مہم کا سلسلہ جاری ہے۔ اس ضمن میں ضلع کشتواڑ کے ناگسینی علاقے میں محکمہ جنگلات نے شجر کاری مہم کے تحت درجنوں پودے نصب کیے۔
ضلع کشتواڑ میں شجر کاری مہم
ناگسینی فاریسٹ رینج میں شجر کاری مہم کے دوران ڈپٹی کمشنر کشتواڑ اشوک شرما کے علاوہ فاریسٹ رینج کے دیگر افسران بھی موجود رہے۔
ذرائع ابلاغ کے نمائندوں سے بات کرتے ہوئے فاریسٹ کنزرویٹر افسر نے آئندہ بھی شجر کاری مہم کو جاری رکھنے کے عزم کا اظہار کیا۔
مزید پڑھیں؛ غیر ملکی سفارتکاروں کا دورہ کشمیر: سرینگر میں دکانیں بند
انہوں نے کہا کہ جنگلات کے علاوہ خطہ چناب کے انڈسٹریل علاقوں میں بھی شجر کاری مہم کے تحت پودے نصب کیے جا رہے ہیں۔
