جموں وکشمیر کے پہاڑی ضلع کشتواڑ کا آج ڈی جی پی دلباغ سنگھ نے دورہ کیا۔ دورہ کے دوران ان کے ہمراہ اے ڈی جی پی جموں مکیش سنگھ تاڈی آئی جی ڈوڈہ، کشتواڑ، رامبن رینج ڈاکٹر سنیل گپتا موجود رہے۔
اس دوران کشتواڑ پولیس نے شہید ڈپٹی ایس پی امن ٹھاکر کی یاد میں کرکٹ ٹورنامنٹ Cricket Tournament کا آغاز کیا۔ اس ٹورنامنٹ میں تقریبا ڈیڑھ سو ٹیمیں حصہ لے رہی ہیں، جس میں تقریبا 3000 کھلاڑی شامل ہیں، ڈی جی پی نے امن ٹھاکر کی شہادت پر روشنی ڈالتے ہوئے کہا کہ 'جوان انکاؤنٹر میں شہید ہوگئے۔
اس دوران ڈی جی پی نے مزید کہا کہ 'جموں وکشمیر سے عسکریت پسندوں کا تیزی سے صفایا ہو رہا ہے اور نوجوان روزگار کے لیے محنت سے کام کر رہے ہیں۔
کشتواڑ میں کئی سالوں سے حزب المجاہدین کا ایک پرانا عسکریت پسند جہانگیر سروڑی چناب ویلی میں نوجوانوں کو غلط راستہ دکھا کر عسکریت پسندی کو تیزی سے پھیلانے کی کوشش کر رہا تھا پر اس کے منصوبے کو ہمیشہ سے سیکورٹی فورسز نے نا کام کیا ہے۔
- مزید پڑھیں: DGP Visits Slain SI’s Home in Kupwara: ڈی جی پی دلباغ سنگھ مقتول پولیس اہلکار کے گھر پہنچ کر اظہار تعزیت کی
ڈی جی پی دلباغ سنگھ نے میڈیا سے کہا کہ 'جہانگیر سروڑی کو بہت جلد سیکورٹی فورسز پکڑنے میں کامیابی حاصل کرے گی۔ اس دوران ڈی ڈی سی چیرپرسن پوجا ٹھاکور، ڈپٹی کمشنر کشتواڑ اشوک شرما، ایس ایس پی کشتواڑ شفقت حسین بھٹ، ایڈیشنل ایس پی راجندر سنگھ، ڈپٹی ایس پی ہیڈکوارٹر آشیش کمار، ایس ڈی پی او دیوندر سنگھ بھنڈرال تا ایس ایچ او کشتواڑ موجود رہے۔
