کورونا ابھی گیا نہیں، احتیاطی تدابیر پر عمل کریں: ڈی سی کشتواڑ

سرحدی ضلع کشتواڑ کے ضلع ترقیاتی کمشنر اشوک شرما نے ضلع کی کورونا وائرس کی صورتحال پر ایک پریس کانفرنس کا اہتمام کیا ہے۔

ڈپٹی کمشنر کشتواڑ نے بتایا کہ کورونا کی دوسری لہر میں ضلع میں کورونا کے ایک ہزار 889 مثبر کیسز سامنے آئے جس میں سے ایک ہزار 835 کیسز صحت یاب ہوچکے ہیں۔

انہوں نے کہا کہ ضلع میں تاحال کورونا کے 38مثبت معاملے موجود ہیں۔ وہیں اس ہفتہ ضلع کی کورونا پازیٹیوٹی شرح 0.29 ہے۔

ڈپٹی کمشنر کشتواڑ نے کہا کہ ابھی وائرس ختم نہیں ہوا ہے۔ انہوں نے عوام سے اپیل کی ہے کہ ماسک پہنیں، سماجی دوری بنائیں اور ویکسین لگوائیں۔

انہوں نے مزید کہا کہ ضلع میں 45 برس سے زائد 98 فیصد نے ویکسینیشن عمل میں حصہ لیا ہے۔ ضلع ترقیاتی کمشنر نے کہا کہ ضلع میں 18 برس سے 45 سال کی عمر کے تقریباً 40 فیصد لوگوں کی ویکسینیشن مکمل ہوئی ہے۔

انہوں نے مزید کہا کہ ضلع میں ویکسین کی کوئی کمی نہیں ہے۔