جب بی ڈی سی چیئرپرسن بنجواہ (ڈوڈہ) مریم بیگم نے ذاتی طور پر بلاک ہیڈکوارٹر کا دورہ کیا تو پتہ چلا کہ آفس بند ہے اور صبح دس بجے سے تین بجے تک کوئی بھی ملازم وہاں موجود نہیں تھا۔
بلاک ڈویلپمنٹ آفس بنجواہ بند، عوام کو مشکلات کا سامنا
اس کے باوجود بی ڈی او کو مختلف کالز کی گئیں تاہم اس کی جانب سے کوئی جواب نہیں دیا گیا۔
بی ڈی سی چیئرپرسن نے کہا کہ معاملہ ڈسٹرکٹ ڈیولپمنٹ کمشنر کشتوار اشوک کمار شرما کے نوٹس میں لایا گیا اور انہوں نے یقین دلایا کہ متعلقہ بی ڈی او کے خلاف سخت کارروائی کی جائے گی۔
بی ڈی سی چیئرپرسن بنجواہ نے کمشنر سیکریٹری آر ڈی ڈی کو مطلع کیا ہے اور اس سلسلہ میں اپنی ذاتی مداخلت کی اپیل کی۔
انہوں نے غیرحاضر افسر اور اہلکاروں کے خلاف سخت کارروائی کا مطالبہ کیا۔
