کشتواڑ: جموں و کشمیر کے ضلع کشتواڑ میں پٹوار ایسوسی ایشن کے انتخابات منعقد ہوئے جس میں ضلع کشتواڑ کے تمام پٹواریوں نے شرکت کی۔ اس انتخاب میں تیس پٹواریوں نے اپنا ووٹ دے کر عارف حسین میر کو ضلعی صدر کے طور پر کامیاب کیا۔ پٹوار ایسوسی ایشن کے ضلعی صدر کے عہدے کے لیے عارف حسین میر اور عزیر طالب امیدوار تھے۔ اس انتخاب کے لیے ووٹنگ ہوئی جس میں عارف حسین میر ایک ووٹ سے جیت درج کرتے ہوئے پٹوار ایسوسی ایشن کے ضلعی صدر منتخب ہوئے۔
کشتواڑ پٹوار ایسوسی ایشن کے انتخاب میں کامیاب ہونے کے بعد حلف برداری کی تقریب منعقد کی گئی۔ اس موقع پر ضلعی صدر پٹوار ایسوسی ایشن نے تمام پٹواریوں کو یقین دہانی کرائی کہ جو بھی محکمہ کا مسئلہ ہوگا اسے جلد از جلد حل کرنے کی بھر پور کوشش کی جائے گی۔ انہوں نے مزید کہا کہ پورے ضلع میں پٹواریوں کے پاس حلقہ میں پٹوار خانہ نہیں ہے اس پر بھی جدوجہد کی جائے گی اور ایسوسی ایشن کے لیے دن رات کام کیا جائے گا اور جو بھی ایسوسی ایشن کا بقیہ کام اسے جلد مکمل کیے جانے کی کوشش کی جائے گی۔ Patwar Association Kishtwar
یہ بھی پڑھیں: Unscheduled Power Curtailment in Kishtwar: کشتواڑ میں بجلی تخفیف سے لوگ پریشان
