وزیر اعظم نریندر مودی آج صبح 11 بجے ویڈیو کانفرنسنگ کے ذریعہ کوچی - منگلورو قدرتی گیس پائپ لائن کو قوم کے نام وقف کریں گے۔ یہ تقریب 'ون نیشن ون گیس گرڈ' کی تشکیل کی سمت میں ایک اہم سنگ میل ثابت ہوگی۔
اس موقع پر مرکزی وزیربرائے پٹرولیم و قدرتی گیس کے ہمراہ کرناٹک اور کیرالہ کے گورنر اور وزراء اعلی بھی شریک ہوں گے۔
450 کلومیٹر لمبی پائپ لائن کو جی اے آئی ایل (انڈیا) لمیٹڈ نے تعمیر کیا ہے، اس کی نقل و حمل کی صلاحیت یومیہ 12 ملین میٹرک اسٹنڈرڈ مکعب میٹرک ہے ، اوریہ کوچی (کیرالہ) میں مائع قدرتی گیس (ایل این جی) ری گیسی فیکشن ٹرمینل، ارناکولم ، تھرسور ، پالک کڈ ، ملاپورم ، کوزی کوڈ ے، کنّور اور کاسرگوڈ اضلاع سے گزرتے ہوئے منگلورو (دکشنا کنڑا ضلع ، کرناٹک) تک قدرتی گیس لے جائے گی۔
اس منصوبے کی کل لاگت تقریبا 3000 کروڑ روپے تھی۔ اور اس کی تعمیر سے 12 لاکھ سے زیادہ یومیہ فی کس کے روزگار پیدا ہوئے۔ پائپ لائن کی تنصیب انجینئرنگ کے لحاظ سے ایک چیلنج تھا کیونکہ پائپ لائن کے راستے میں 100 سے زائد مقامات پر آبی ذخائر کو عبور کرنے کی ضرورت تھی۔ اسے ایک خاص تکنیک کے ذریعہ تعمیر کیا گیا جسے افقی ڈائریکشنل ڈرلنگ طریقہ کہا جاتا ہے۔
مزید پڑھیں:
پائپ لائن گھروں کو پائپ کے ذریعہ قدرتی گیس (پی این جی) اور ٹرانسپورٹ سیکٹر کو کمپریسڈ قدرتی گیس (سی این جی) کی شکل میں ماحول دوست اور سستی ایندھن فراہم کرے گی۔
یہ پائپ لائن پورے اضلاع کے تجارتی اور صنعتی یونٹوں کو بھی قدرتی گیس فراہم کرے گی۔ صاف شفاف ایندھن کا استعمال فضائی آلودگی کو روکنے کے ساتھ ساتھ ہوا کے معیار کو بہتر بنانے میں معاون ثابت ہوگا۔
