PM Modi at Kochi کوچی میں وزیر اعظم کیلئے کوئی سرکاری پروگرام نہیں

وزیر اعظم نریندر مودی کے کیرالہ دورے کے موقعے پر کوچی میں کوئی سرکاری پروگرام شیڈول نہیں ہے۔ خبر یہ بھی ہے کہ کیرالہ کی ریاستی حکومت ہوائی اڈے پر ان کا استقبال نہیں کرے گی۔

کوچی: وزیر اعظم نریندر مودی کے دورہ کیرالہ کی تمام تر تیاریاں مکمل کر لی گئی ہیں۔ کیرالہ کے گورنر عارف محمد خان پیر کو وزیر اعظم نریندر مودی کے استقبال کے لیے کوچی ہوائی اڈے پر موجود نہیں ہوں گے کیونکہ یہاں وزیر اعظم کے لیے کوئی سرکاری پروگرام نہیں ہے۔ گورنر عارف محمد خان نے میڈیا کو بتایا کہ اگر سرکاری پروگرام ہوتے تو وہ واپس ٹھہر جاتے، چونکہ کوچی میں کوئی سرکاری پروگرام نہیں ہے۔ وزیر اعظم مودی شام 5.30 بجے شہر پہنچنے والے ہیں۔ وہ ریاست کے تجارتی دارالحکومت میں 1.8 کلومیٹر طویل روڈ شو میں حصہ لیں گے۔

کیرالہ کے گورنر نے کہا کہ وزیر اعظم نریندر مودی شام 6 بجے ریاست کے مختلف حصوں سے آئے ہوئے نوجوانوں کے ایک اجلاس سے خطاب کریں گے۔ اس موقعے پر حال ہی میں بی جے پی میں شامل ہونے والے انیل انٹونی بھی موجود ہوں گے۔ یہ پہلا موقع ہے جب انیل انٹونی بی جے پی کے کسی جلسے میں شامل ہوں گے۔ غورطلب ہے کہ انیل انٹونی بھارت کے سابق وزیر دفاع اے کے انٹونی کے بیٹے ہیں۔ میٹنگ کے بعد شام 7.45 بجے وزیر اعظم مختلف گرجا گھروں کے فادرز اور دیگر سربراہوں سے ملاقات کریں گے اور پھر کوچی کے ایک عالیشان نجی ہوٹل میں دن کے لئے قیام کریں گے۔

منگل کو گورنر خان ترواننت پورم ہوائی اڈے پر وزیر اعظم مودی کا استقبال کریں گے۔تروانت پورم میں وندے بھارت ایکسپریس ٹرین کو ہری جھنڈی دیکھائیں گے۔ گورنر اس کے بعد سنٹرل اسٹیڈیم میں پی ایم کے ساتھ شامل ہوں گے جہاں مودی مختلف پروجیکٹوں کا اعلان کریں گے۔ دوپہر 12.40 بجے وزیر اعظم مودی اپنی آبائی ریاست سورت کے لئے روانہ ہو جائیں گے۔