کیرالہ: کنور ہوائی اڈے پر 47 لاکھ کا سونا برآمد، ایک گرفتار

ریاست کیرالہ کے کنور بین الاقوامی ہوائی اڈے پر وندے بھارت مشن کے تحت پہنچے ایک مسافر سے 937 گرام سونا برآمد کیا گیا ہے اور اس کو گرفتار کرلیا گیا ہے۔

محکمہ انکم ٹیکس کے افسران نے وندے بھارت مشن کے تحت ’ایئر عربیہ‘ چارٹرڈ طیارے میں شارجہ سے کیرالہ کے کنور بین الاقوامی ہوائی اڈے پر پہنچے ایک مسافر سے 937 گرام سونا برآمد کیا ہے جس کی قیمت تقریباً 47 لاکھ روپے ہے۔

ہوائی معاملوں سے متعلق خفیہ ذرائع کے مطابق کسٹمز کے اسسٹنٹ کمشنر ایس مدھو سودن بھٹ کی قیادت والی ٹیم نے سونا ضبط کیا اور فلائٹ سے ہوائی اڈے پہنچے کاسرگوڑ کے ایک شخص کو حراست میں لے لیا۔

افسران نے بتایا کہ ملزم نے سونے کے کیپسول اپنے زیر جامہ میں چھپائے ہوئے تھے۔