کولم: کانگریس لیڈر راہل گاندھی کی قیادت میں 'بھارت جوڑو یاترا' آج کیرالہ کے پوتھیاکاو سے شروع ہوئی۔ پد یاترا صبح 11.00 بجے قائمکلم سے روانہ ہوگئی اور شام 5 بجے ہری پاڈ کے قریب چیپاڈ پہنچے گی جہاں گاندھی ایک جلسہ عام سے خطاب کریں گے۔ پیدل مارچ کے دوران صبح سے ہی سڑک کے دونوں طرف لمبی قطاریں دیکھی گئیں۔ بھارت جوڑو یاترا میں شریک لوگ 'ملے قدم، جڑے وطن' کا نعرہ لگا رہے ہیں۔ Rahul speech at Bharat Jodu Yatra
اس موقع پر خطاب کرتے ہوئے مسٹر گاندھی نے کہا، 'بھارت جوڑو یاترا جھوٹے وعدوں کی حکومت کو ختم کرنے کے لیے پرعزم ہے۔ کیرالہ کے لوگوں نے پرجوش طریقے سے اس یاترا کی تائید کی ہے، جس سے صاف ظاہر ہوتا ہے کہ وہ اسے اپنا پیدل مارچ سمجھتے ہیں۔ قبل ازیں جمعہ کے روز مسٹر گاندھی نے کروناگپلی میں اپنی پد یاترا کے اختتام کے بعد روحانی پیشوا ماتا امرتانندمئی دیوی سے ان کے آشرم میں ملاقات کی تھی۔
یہ بھی پڑھیں: Rahul Gandhi on Bharat Jodo Yatra مسائل کے حل کے لیے عوام کا بھارت جوڑو یاترا میں شامل ہونا ضروری
کانگریس کی بھارت جوڑ یاترا 3750 کلومیٹر کا فاصلہ طے کرے گی اور 150 دنوں میں 12 ریاستوں اور دو مرکز کے زیر انتظام علاقوں سے گزرے گی۔ کیرالہ میں 11 ستمبر سے شروع ہونے والی پد یاترا آج الاپوجھا میں داخل ہوگی اور 21 اور 22 ستمبر کو ضلع ایرناکلم سے ہوتی ہوئی 23 ستمبر کو تھریسور پہنچے گی۔ کیرالہ میں 29 ستمبر تک 19 روزہ پدیاترا سات اضلاع میں 450 کلومیٹر کا فاصلہ طے کرنے کے بعد یکم اکتوبر کو کرناٹک میں داخل ہوگی۔
یو این آئی
