کیرالہ کے کوہزیکوڈ میں پولیس نے انڈین یونین مسلم لیگ (آئی یوایم ایل)کی خواتین اکائی ونیتا لیگ کی کارکنان کے ایک گروپ پر چہرے پر ماسک لگانے کے خلاف مہم چلانے کے سلسلے میں ہفتے کو معاملہ درج کیا۔
ونیتا لیگ پر الزام ہے کہ اس نے کوڈیکل وارڈ کے ککوڈی گرام پنچایت میں ایسے نوٹس تقسیم کئے، جس میں دیگر باتوں کے علاوہ ماسک کے استعمال سے ہونے والا غلط اثر شامل تھا۔
ذرائع کے مطابق اس پرچے میں کہا گیا ہے کہ ماسک کے مسلسل استعمال سے دم گھٹ سکتا ہے اور موت ہوسکتی ہے۔ ایک طرف حکومتیں اور افسر کورونا کے پھیلاؤ کو روکنے کے لئے ماسک لگانے کو لازمی قرار دیا ہے اور مسلسل اسے احتیاطی قدم پر اس کے استعمال کے لئے مہم چلا رہے ہیں۔
وہیں اس کے خلاف مہم چلانے کے سلسلے میں لوگ حیرانی کا اظہار کررہے ہیں۔ ذرائع کے مطابق پولیس نے مختلف دفعات کے تحت معاملہ درج کیا ہے۔
اس سلسلے میں ابھی تک کسی کی گرفتاری کی اطلاع نہیں ہے۔ واضح رہے کہ کیرالہ میں کورونا وائرس سے 2913 لوگ متاثر ہوئے ہیں اور 22 لوگوں کی موت ہوئی ہے جبکہ 1509 لوگ اس سے نجات پاچکے ہیں۔
