ریاست پنچاب کے اکالی دل امرتسر اور خالصہ دل کے کارکن کشمیر کے لال چوک پر مظاہرہ کرنے جارہے تھے، لیکن پہلے سے ہی وہاں پولیس اور سی آر پی ایف کے سیکڑوں اہلکار تعینات تھے۔
سکھ برادری کو کشمیر جانے سے روکا گیا
جیسے ہی یہ کارکناں جموں و کشمیر کے داخلی راستہ لکھن پور پہنچے ہی تھے کی پولیس اور سی آر پی ایف کے جوان انھیں آگے بڑھنے سے روکنے لگے جس کی وجہ سے کارکنان وہیں سڑک پر ہی مظاہرہ کرنے لگے۔
کارکنان کا کہنا تھا کہ جب حکومت کا یہ دعوی ہے کہ جموں و کشمیر میں سب کچھ ٹھیک ہے تو پھر ہمیں وہاں جانے سے کیوں روکا جارہا ہے۔
اسی دوران جب ان کارکنان کو روکنے کی وجہ پوچھی گئی تو تحصیلدار کٹھوعہ کپل کھجوریا نے کہا کہ جموں وکشمیر ریاستی انتظامیہ کسی بھی طرح کا خراب ماحول نہیں چاہتی ہے لہذا لکھن پور میں ہی رکنے کے بعد ان کارکنوں کو واپس بھیج دیا گیا ہے۔
